صباح النور والفل والياسمين كل عام وانتم بخير وينعاد علينا هالعيد وجميع المسلمين , في ثاني ايام العيد ضحينا خروفين و
راحت عبورا ومنوري عشان يتفرجون على الخروفين اللي بنشريهم ونذبحهم , راحوا مواصلين من زود اللقافة , وصوروا حراج
الغنم وصورا الخاروفين وهم وراهم بالجيب , بس تراهم ماخافوا منهم ابدا واطلاقا هههههه ايه هين...
بالعصر امي قالت لنا : بنروح للملاهي !!!!هيييييييييييييييه كلنا يامعشر الاطفال فرحنا وسوينا شاهينا وقهوتنا وسمبوسات صغار بالجبن والشيرة وووو وصلنا سلوم للملاهي ولكن للاسف منعوا عدلي(عبد الله 11 سنة ) من الدخول لان الملاهي نساء فقط وهو
اطول من الخط المحدد ياقلبي زعل اوي اوي .... من امس قاعد يجهز ملابس ومتحمس حسبي الله عليهم .
المهم دخلنا ولعبوا البنات ال 4 نهى ,بهاء, نونة, منوري بس الشيء المزعج كان البرررررد لبسنا عباياتنا وجلسنا نتنافض الين شبعوا فتيات القوة من اللعب .
طيب وش دخل الارنب؟
انا وامي كنا نتمشى وشفنا وحدة تبيع حيوانات اليفة pets ارانب وهامستر وكتاكيت ملونة , عجبتنا الارانب فيه ارانب بيض و اصفر واسود بس احنا اخذنا ارنب ابيض تماما ـ اللي بالصورة ـ وعطيناه هدية لعدلي اللي رجع للبيت متحطم , والحمد لله عجبه وفرح به وقام يأكله زيتون وفلفل (بارد طبعا ) وبقدونس والماء قالت لنا اللي تبيع بس بالليل حطوا له ماء !!! مدري ليه ؟
المشكلة ماعرفنا نختار اسم لهالأرنب , دورت اسماء ارنب لقيت : قيصر ,هوبي , نونو, سوسو , لولو ......... ماعجبنا شي منها
المهم عبير قالت : نسميه مرعي ! تخيلوا هذا اللي اقنعهم وسموه مرعي فعلا .... اسم صعيدي تماما وصرنا كلنا نقول وين مرعي
لا يطيح من الدرابزين مرعي , ما تعشى مرعي؟؟
ماحكم روث او بول الارنب ؟
الشئء الوحيد اللي كدر امي انه يسوي بيب بيب !! يعني وساخة .. بس انا بحثت عن حكم وساخة الحيوانات الاليفة ,
وجدت فتوى للشيخ : ابن عثيمين ـ رحمة الله ـ ان مايؤكل من الحيوانات ـ ارانب بقر غنم ـ فروثه وبوله ليس نجس .
الحمد لله كان ظريف جدا وطيوب و اذا طلعناه من القفص يركض وينط ـ بارتفاع شبر ـ يجنن , واذا تبونه يجلس بحضنكم
يجلس ويتكور وينزل اذانه بس مرر يدك على راسه الى الخلف راح يجلس هااااادي ويحرك اسنانه ـ علامة الفرح ـ عبير قالت
لعبد الله يسوي كذا زي ماقرات باحد المنتديات , واخيرا سافر اليوم مع عبدالله , راح نشتاق لك يامرعي....
لو سمحتي محد عجبه الاسم الا عبير
ردحذف